Ba cheart duit vacsaín in aghaidh COVID-19 a fháil 2 uair sa bhliain má tá córas lag imdhíonachta ort.
Tá vacsaíní saor in aisce in aghaidh COVID-19 ar fáil san earrach agus san fhómhar.
Má tá córas lag imdhíonachta ort, is mó an baol go dtiocfaidh breoiteacht thromchúiseach ort má tholgann tú COVID-19. Tugann an vacsaín cosaint áirithe duit.
Déan teagmháil le do dhochtúir teaghlaigh nó le d’fhoireann cúraim sláinte mura bhfuil tú cinnte an bhfuil vacsaín in aghaidh COVID-19 ag teastáil uait.
Mura bhfuair tú vacsaín in aghaidh COVID-19 riamh
Tá 2 dháileog den vacsaín ag teastáil ó dhaoine a bhfuil córas lag imdhíonachta orthu agus nach bhfuair an vacsaín in aghaidh COVID-19 riamh cheana.
De ghnáth, bíonn na dáileoga:
- 4 seachtaine óna chéile do dhaoine atá 5 bliana d’aois agus os a chionn
- 8 seachtaine óna chéile do naíonáin agus do leanaí idir 6 mhí agus 4 bliana d’aois
D’fhéadfá an tríú dáileog a fháil tar éis 8 seachtaine má mholann speisialtóir duit é.
Má fhaigheann tú COVID-19, fan 4 seachtaine ar a laghad tar éis an ionfhabhtaithe sula bhfaighidh tú an vacsaín den chéad uair.
Cén chaoi vacsaín in aghaidh COVID-19 a fháil
Ag iompar clainne agus córas lag imdhíonachta ort
Má tá tú ag iompar clainne agus córas lag imdhíonachta ort, ba cheart duit an vacsaín a fháil.
Is féidir le do dhochtúir teaghlaigh nó le d’fhoireann cúraim sláinte comhairle a thabhairt duit faoi na dáileoga atá ag teastáil uait.
Vacsaíniú in aghaidh COVID-19 le linn toirchis
Sábháilteacht agus fo-iarmhairtí vacsaíní in aghaidh COVID-19
Tá na vacsaíní in aghaidh COVID-19 a úsáidtear in Éirinn ceadaithe ag an nGníomhaireacht Leigheasra Eorpach (EMA).
Sábháilteacht agus fo-iarmhairtí na vacsaíní in aghaidh COVID-19 a úsáidtear in Éirinn