Seans go bhfaighidh tú ar an leathanach seo freagraí ar chuid de na ceisteanna a d'fhéadfadh a bheith agat má bhíonn deacrachtaí agat tú féin nó do leanbh a chlárú le haghaidh vacsaín in aghaidh COVID-19 ar líne.
Áirítear leis comhairle maidir leo seo a leanas:
- an córas clárúcháin ar líne a úsáid
- do chuid sonraí pearsanta a chur isteach
- cén chaoi clárú mura bhfuil an éisteacht go maith agat, má tá tú thar lear nó más gá duit clárú ar an bhfón
Má bhaineann na deacrachtaí atá ag cur as duit le teachtaireachtaí téacs nó ríomhphoist, tá tuilleadh eolais le fáil anseo faoi na téacsanna agus na ríomhphoist a gheobhaidh tú.
Tuilleadh eolais maidir le leanbh idir 5 bliana agus 15 bliana a chlárú
Cén chaoi clárú ar líne
- Téigh chuig an leathanach le clárú ar líne le haghaidh vacsaín in aghaidh COVID-19.
- Brúigh an cnaipe "Tosaigh anois" agus roghnaigh do ghrúpa.
- Téigh isteach sa scuaine – nuair a thiocfaidh do sheal, beidh 10 nóiméad agat le glacadh le d'áit ar an gcóras sula mbeidh an t-am istigh.
- Cruthaigh do chuntas – gheobhaidh tú ríomhphost fíoraithe
- Cliceáil ar an nasc sa ríomhphost fíoraithe.
- Gheobhaidh tú teachtaireacht téacs fíoraithe (SMS) ansin
- Cuir isteach an cód fíoraithe a seoladh chugat sa teachtaireacht téacs agus cruthaigh pasfhocal.
- Cuir isteach do chuid sonraí pearsanta.
- Breathnaigh siar ar na sonraí lena chinntiú go bhfuil siad i gceart, agus dearbhaigh ansin iad le do chlárúchán a chur i gcrích.
Do phasfhocal a chruthú
Éilítear ort pasfhocal láidir slán a roghnú agus tú ag clárú le haghaidh do vacsaíne. Déantar é sin le do chuid faisnéise pearsanta a chosaint.
Ní ghlacfar le do phasfhocal mura gcomhlíonann sé na riachtanais seo a leanas ar a laghad:
- 10 gcarachtar san iomlán
- 1 litir sa chás uachtair
- 1 litir sa chás íochtair
- 1 uimhir
- 1 charachtar speisialta – mar shampla '* &% $!> "{+'
Bealach maith le pasfhocal slán nach ndéanfá dearmad air a roghnú is ea 3 fhocal randamacha a chur le chéile le huimhreacha agus siombailí. Mar shampla: 3DeargTeachMoncaithe27!
Brabhsálaithe gréasáin
Ná húsáid Internet Explorer.
Molaimid duit Google Chrome nó Safari a úsáid.
Cnaipí brabhsálaí gréasáin
Déan gach iarracht gan na cnaipí "Siar" agus "Ar Aghaidh" a úsáid ag barr do bhrabhsálaí gréasáin le do bhealach a dhéanamh trí scáileáin an chórais clárúcháin.
Ina n-áit sin, úsáid na cnaipí "Ar Aghaidh" agus "Siar" ar scáileáin an chórais clárúcháin féin.
Deacrachtaí agus do chuid sonraí pearsanta á gcur isteach
Uimhir PSP
Tá uimhir PSP agat má rugadh in Éirinn thú, má bhí tú fostaithe riamh in Éirinn nó má d'úsáid tú seirbhísí leasa shóisialta riamh in Éirinn. Áirítear leis sin íocaíochtaí sochair linbh.
Is féidir leat teacht ar d'uimhir PSP ar:
- duillíní pá
- cárta seirbhísí poiblí
- cárta leighis nó cárta cuairte dochtúra
- Cárta Eorpach um Árachas Sláinte (CEÁS)
- Cárta Scéime Íocaíochta Drugaí
- litreacha ó na Coimisinéirí Ioncaim nó ón Roinn Coimirce Sóisialaí, lena n-áirítear iad siúd a bhaineann le híocaíochtaí sochair linbh
Mura féidir leat teacht ar d'uimhir PSP
Déan iarracht teacht ar d'uimhir PSP ar cheann de na doiciméid thuas.
Mura féidir leat teacht ar d'uimhir PSP go fóill, cuir glao ar an Roinn Coimirce Sóisialaí chun í a iarraidh. Má tá tú faoi bhun 18 mbliana d'aois, beidh ar do thuismitheoir nó do chaomhnóir é seo a dhéanamh thar do cheann.
Cuir glao ar an Roinn Coimirce Sóisialaí
Ar oscailt ó Luan go hAoine: 9:15 r.n. go 1 i.n. agus 2 i.n. go 5 i.n.
Glaoigh: 071 967 2616
Níl uimhir PSP agam
Ní mór duit uimhir PSP a bheith agat le clárú le haghaidh vacsaín in aghaidh COVID-19 ar líne.
Mura bhfuil uimhir PSP agat, cuir glao ar líne chabhrach COVID-19 le clárú ar an bhfón ina ionad sin. Idir 1 i.n. agus 6 i.n. an t-am is fearr le glaoch. Freagróidh oibritheoir níos tapa thú.
Uimhir PSP in úsáid cheana féin
D'fhéadfadh sé go bhfaighfeá teachtaireacht earráide ón gcóras ag cur in iúl duit gur úsáideadh d'uimhir PSP cheana féin.
Má tá an earráid seo á fáil agat ach níor úsáid tú d'uimhir PSP le clárú roimhe seo, cuir glao ar an líne chabhrach COVID-19.
Éirchód
Is é an bealach is tapa leis an scáileán seolta ar an gcóras clárúcháin a chomhlánú ná d'éirchód a chur isteach. Úsáidtear é sin le do choinne a dhéanamh in ionad vacsaínithe atá gar don áit a bhfuil cónaí ort
Aimsigh d'Éirchód
Is féidir leat an tAimsitheoir Éirchód a úsáid le d'éirchód a aimsiú sula gcláróidh tú.
Cuir isteach do sheoladh de láimh
Is féidir leat do sheoladh a chur isteach de láimh ar an scáileán seolta chomh maith. Ba cheart go n-aimseodh sé d'éirchód ansin.
Cinntigh go gcomhlánóidh tú gach líne ar an scáileán seolta. Má bhíonn roinnt réimsí in easnamh, b'fhéidir nach mbeadh an córas in ann d'éirchód a aimsiú.
Mura n-éiríonn leis an gcóras d'éirchód a aimsiú
Mura n-éiríonn leis an gcóras d'éirchód a aimsiú tar éis duit do sheoladh a chur isteach, cuir glao ar Líne Chabhrach COVID-19.
Níl mo dhochtúir teaghlaigh sa liosta nó níl dochtúir teaghlaigh agam
Mura féidir leat teacht ar do dhochtúir teaghlaigh, nó mura bhfuil tú cláraithe le dochtúir teaghlaigh, iarrtar ort 'Nílim cláraithe le dochtúir teaghlaigh' a roghnú ar an scáileán 'Dochtúir Teaghlaigh'.
Níos mó ná duine amháin a chlárú i seisiún amháin
Caithfidh tú logáil amach tar éis gach clárúcháin más mian leat duine eile a chlárú.
Úsáid an deilbhín sa chúinne ar dheis ag barr an scáileáin.
Bodhar nó deacrachtaí éisteachta
Má tá tú bodhar nó mura bhfuil an éisteacht go maith agat, is féidir leat téacs a chur chuig HSELive ar 086 1800 661 le clárú le haghaidh do vacsaíne.
Úsáideoirí Theanga Chomharthaíochta na hÉireann amháin
Más úsáideoir bodhar Theanga Chomharthaíochta na hÉireann thú agus má theastaíonn ateangaire uait le labhairt le gníomhaire ar an líne chabhrach COVID-19, is féidir leat Seirbhís Ateangaireachta Cianda na hÉireann (IRIS) a úsáid.
Clárú ó áiteanna lasmuigh d'Éirinn agus den Ríocht Aontaithe
Ní féidir leat clárú ar líne má tá tú lonnaithe lasmuigh d'Éirinn agus den Ríocht Aontaithe.
Cuir glao ar an Líne Chabhrach COVID-19 do Ghlaoiteoirí Idirnáisiúnta ar +353 1 240 8787 le clárú ar an bhfón.
Bíodh do chuid sonraí bailithe le chéile agat roimh ré ionas go mbeidh tú réidh le clárú a luaithe a fhreagrófar do ghlao.
Ní féidir clárú ar líne
Mura n-éiríonn leat duine eile a chlárú ar líne, cuir glao ar an líne chabhrach COVID-19. Idir 1 i.n. agus 6 i.n. an t-am is fearr le glaoch. Freagróidh oibritheoir níos tapa thú.
Nuashonrú deireanach: 27 Nollaig 2021 ag 9 i.n.