Ligeann an Cárta Eorpach um Árachas Sláinte duit cúram sláinte a fháil thar lear saor in aisce nó ar chostas laghdaithe, i gcás go bhfuil tú:
- ar saoire
- ag fanacht sa tír ar bhonn gearrthéarmach nach faide ná 3 mhí
- ag staidéar thar lear - beidh tú clúdaithe i rith na bliana acadúla
Tíortha a ghlacann leis an gCárta Eorpach um Árachas Sláinte
Is féidir leat an Cárta Eorpach um Árachas Sláinte a úsáid san Aontas Eorpach, sa Limistéar Eorpach Eacnamaíoch agus san Eilvéis.
Seo a leanas tíortha an Aontais Eorpaigh: an Ostair, an Bheilg, an Bhulgáir, an Chróit, Poblacht na Cipire, Poblacht na Seice, an Danmhairg, an Eastóin, an Fhionlainn, an Fhrainc, an Ghearmáin, an Ghréig, an Ungáir, Éire, an Iodáil, an Laitvia, an Liotuáin, Lucsamburg, Málta, an Ísiltír, an Phortaingéil, an Rómáin, an tSlóvaic, an tSlóivéin, an Spáinn agus an tSualainn.
Seo a leanas tíortha an LEE: an Íoslainn, Lichtinstéin agus an Iorua.
Cén chaoi iarratas a dhéanamh má tá cónaí ort in Éirinn
Is féidir leat iarratas a dhéanamh ar Cárta Eorpach um Árachas Sláinte má tá cónaí ort in Éirinn agus má tá sé i gceist agat cónaí anseo go ceann bliana ar a laghad.
Is féidir leat iarratas a dhéanamh:
- ar an láthair – tabhair cuairt ar d’oifig áitiúil phoiblí um an gCárta Eorpach um Árachas Sláinte
- ar líne - má tá cárta leighis nó Cárta Scéime Íocaíochta Drugaí agat
- tríd an bpost – má tá cónaí ort i mBaile Átha Cliath Thiar Thuaidh, i gCorcaigh - An Laoi Thuaidh agus Theas, nó i gCill Choca
Tábhachtach
Cuirfear do chárta chugat sa phost tráth nach déanaí ná 10 lá oibre tar éis duit an t-iarratas a dhéanamh. Má tá Cárta Eorpach um Árachas Sláinte ag teastáil uait go práinneach, is féidir leat deimhniú sealadach athsholáthair a fháil ar an láthair i d’oifig áitiúil um an gCárta Eorpach um Árachas Sláinte.
Déan iarratas mar theaghlach
Caithfidh gach ball teaghlaigh a Chárta Eorpach um Árachas Sláinte féin a bheith aige.
Is féidir leat iarratas a dhéanamh:
- duit féin
- do do chéile/pháirtí
- d’aon leanaí cleithiúnacha atá faoi bhun 16 bliana d’aois
Caithfidh an tuismitheoir nó an caomhnóir iarratas a dhéanamh thar ceann leanbh atá faoi bhun 16 bliana d’aois.