Iarraimid faisnéis ort nuair a chláraíonn tú le haghaidh do vacsaíne in aghaidh COVID-19 le:
- do thaifead vacsaínithe a chruthú
- tú a chur lenár gcóras sceidealaithe coinní
- sonraí maidir le coinní a sheoladh chugat
- a chinntiú go bhfuil a fhios againn cé thú féin trí thagairt do d'Aitheantóir Aonair Sláinte
- tuairisciú sláinte poiblí a dhéanamh
Uimhir PSP
Teastaíonn d'uimhir PSP uainn le do chlárúchán vacsaínithe a shannadh do d'Aitheantóir Aonair Sláinte. Is é d'Aitheantóir Aonair Sláinte an uimhir atá ar na taifid sláinte go léir atá agat cheana.
Ciallaíonn sé seo gur féidir linn tú a aithint i gceart nuair a thiocfaidh tú isteach le do vacsaín a fháil.
Seoladh ríomhphoist
Iarraimid do sheoladh ríomhphoist ort ionas gur féidir linn nasc fíoraithe a sheoladh i ríomhphost chugat. Cabhraíonn sé sin linn do sheoladh ríomhphoist a fhíorú roimh duit clárú agus an córas a choinneáil slán, leis.
Uimhir fóin póca
Iarraimid d'uimhir fóin póca ort ionas gur féidir linn cód 5 dhigit a sheoladh chugat roimh duit clárú. Cabhraíonn sé sin linn d'uimhir fóin póca a fhíorú roimh duit clárú agus an córas a choinneáil slán, leis.
Úsáidimid d'uimhir fóin póca freisin le sonraí maidir le coinní a sheoladh chugat trí theachtaireacht téacs agus tú a ullmhú do do vacsaíniú.
Éirchód
Úsáidimid d'éirchód le coinne a dhéanamh duit ag an ionad vacsaínithe is gaire duit.
Náisiúntacht
Iarraimid do náisiúntacht ort le cabhrú linn do chlárúchán vacsaínithe a shannadh do d'Aitheantóir Aonair Sláinte. Is é d'Aitheantóir Aonair Sláinte an uimhir atá ar na taifid sláinte go léir atá agat cheana.
Ciallaíonn sé seo gur féidir linn tú a aithint i gceart nuair a thiocfaidh tú isteach le do vacsaín a fháil.
Cúlra eitneach
Iarraimid do chúlra eitneach le cabhrú linn le tuairisciú sláinte poiblí.
Ná bíodh drogall ort "B'fhearr liom gan a rá" a roghnú dá mb'fhearr leat gan an cheist a fhreagairt.
DOCHTÚIR TEAGHLAIGH
Iarraimid sonraí do dhochtúra teaghlaigh ort ionas gur féidir linn é nó í a choinneáil ar an eolas faoi do vacsaíniú in aghaidh COVID-19.
Inscne
Iarraimid ort d'inscne mar atá sé ar do phas, do chárta leighis nó do chárta aoise náisiúnta ionas gur féidir linn do chlárúchán a shannadh do d'Aitheantóir Aonair Sláinte.
Is é d'Aitheantóir Aonair Sláinte an uimhir atá ar na taifid sláinte go léir atá agat cheana.
Tuigimid go mb'fhéidir nach mbeadh sé ag teacht le d'inscne reatha nó leis an gcaoi a ndéanann tú cur síos ort féin ach tá sé tábhachtach go mbeimis in ann tú a aithint i gceart nuair a thiocfaidh tú isteach le do vacsaín a fháil.
Beartas cosanta sonraí
Leis an vacsaín in aghaidh COVID-19 a thabhairt duit, ní mór dúinn roinnt faisnéis phearsanta maidir leat a bhailiú agus a phróiseáil.
Ní choinnítear taifead ach ar shonraí riachtanacha. Ní bhailímid ach an fhaisnéis a theastaíonn uainn chun tú a aithint, do choinne a dhéanamh, vacsaíniú a dhéanamh ort go slán sábháilte, a thaifeadadh go bhfuil tú vacsaínithe agus monatóireacht a dhéanamh ar an gclár vacsaínithe.
Léigh ár mbeartas cosanta sonraí maidir le vacsaíní in aghaidh COVID-19
Nuashonrú deireanach: 28 Aibreán 2021 ag 3:30 i.n.