Skip to main content

Warning notification:Warning

Unfortunately, you are using an outdated browser. Please, upgrade your browser to improve your experience with HSE. The list of supported browsers:

  1. Chrome
  2. Edge
  3. FireFox
  4. Opera
  5. Safari

Má tá siomptóim COVID-19 ar do leanbh

Baineann an chomhairle seo le leanaí suas le 18 mbliana d’aois.

Tá comhairle ar leith ann maidir le daoine fásta a bhfuil siomptóim orthu

Má tá do leanbh 3 mhí d’aois nó faoina bhun agus siomptóim COVID-19 air nó uirthi, cuir glao ar do dhochtúir teaghlaigh.

Tábhachtach

Ba cheart do do leanbh fanacht sa bhaile agus fanacht glan ar dhaoine eile a oiread agus is féidir má tá siomptóim COVID-19 air nó uirthi, agus:

  • má tá sé nó sí tinn
  • má tá teocht ard (38 céim Celsius nó os a chionn) air nó uirthi

Cathain is ceadmhach do do leanbh filleadh ar an scoil nó ar an gcúram leanaí?

Srón ag sileadh nó sraothartach

Mura bhfuil sna siomptóim atá ar do leanbh ach srón ag sileadh agus sraothartach, is ceadmhach dó nó di filleadh ar an scoil nó ar an gcúram leanaí ar chuntar:

  • nach bhfuil aon siomptóim eile air
  • nach bhfuil teocht ard (38 céim Celsius nó os a chionn) air nó uirthi
  • go bhfuil sé nó sí go maith seachas sin

Emergency action required: Cuir glao ar 112 nó 999:

  • má tá do leanbh faoi bhun 3 mhí d'aois agus teocht ard air nó uirthi (38 céim Celsius nó os a chionn)

Urgent advice: Cuir glao ar do dhochtúir teaghlaigh láithreach bonn:

  • má tá do leanbh idir 3 agus 6 mhí d'aois agus teocht ard air nó uirthi

Non-urgent advice: Cuir glao ar do dhochtúir teaghlaigh más rud é:

go bhfuil siomptóim COVID-19 ar do leanbh agus:

Ná téigh chuig do dhochtúir teaghlaigh ná chuig an gcógaslann.

Aimsigh dochtúir teaghlaigh
Aimsigh seirbhís dochtúra teaghlaigh lasmuigh de na gnáthuaireanta

Siomptóim COVID-19

I measc na siomptóm is coitianta a bhaineann le COVID-19, tá:

Siomptóim nach bhfuil chomh coitianta sin

I measc na siomptóm nach bhfuil chomh coitianta sin, tá:

Siomptóim i gcásanna troma de COVID-19

I measc na siomptóm a fheictear i gcásanna troma de COVID-19, tá:

B'fhéidir nach mbeadh na siomptóim seo go léir ar do leanbh. Seans nárbh ionann na siomptóim ag brath ar aoisghrúpa an duine agus ar an athraitheach den víreas atá i gceist. Uaireanta tógann sé suas le 14 lá sula bhfeictear siomptóim.

Is féidir le siomptóim COVID-19 a bheith cosúil le siomptóim shlaghdáin, fliú nó fiabhrais léana. Má tá amhras ort faoi aon siomptóim atá ar do leanbh, cuir glao ar do dhochtúir teaghlaigh.

Information:

Má éiríonn do leanbh tinn go tapa, ní dócha gur COVID-19 is cúis leis. D'fhéadfadh tinneas eile a bheith taobh thiar de na siomptóim atá air nó uirthi.

Siomptóim ar leanaí a gcaithfear cóir leighis a fháil ar bhonn práinne lena n-aghaidh

An gá do do leanbh tástáil le haghaidh COVID-19 a dhéanamh?

Is iondúil nach gá do leanaí tástáil le haghaidh COVID-19 a dhéanamh.

Má tá siomptóim air nó uirthi agus é nó í ag aireachtáil go dona tinn, déan teagmháil le do dhochtúir teaghlaigh. B’fhéidir go socródh do dhochtúir teaghlaigh do leanbh a chur ar aghaidh le haghaidh tástála. Ina leithéid de chásanna, lean an chomhairle a bhaineann leis an toradh a gheobhaidh sé nó sí.

Má fhaigheann do leanbh toradh deimhneach ar thástáil

Má fhaigheann do leanbh toradh deimhneach ar an thástáil, ba cheart dó nó di:

  • fanacht sa bhaile go ceann 3 lá iomlána ón lá ar tháinig na siomptóim air nó uirthi den chéad uair
  • fanacht glan ar dhaoine eile a oiread agus is féidir

Má tá COVID-19 ar do leanbh

Daoine atá ina gcónaí le do leanbh

Ba cheart do dhaoine atá ina gcónaí le do leanbh agus a bhfuil riosca ard ag baint le COVID-19 dóibh ó thaobh breoiteacht thromchúiseach de a bheith an-chúramach. Tá riosca níos airde ann go bhfeadfadh an víreas teacht orthu. Má thagann siomptóim orthu, ba cheart dóibh fanacht sa bhaile agus fanacht glan ar dhaoine eile a oiread agus is féidir.

An chaoi le siomptóim do linbh a chóireáil

Is siomptóim éadroma a bhíonn ar an gcuid is mó de leanaí. Is féidir leo teacht chucu féin ó COVID-19 sa bhaile. Is féidir leat a siomptóim a chóireáil le cógais choitianta is féidir a cheannach gan oideas. Labhair le do chógaiseoir faoi chógais is féidir a úsáid le siomptóim do linbh a chóireáil.

Information:

An chaoi le siomptóim COVID-19 a chóireáil sa bhaile

Má tá buinneach ar do leanbh

Má tá buinneach ar do leanbh, ba cheart dó nó di fanacht sa bhaile. Siomptóm d'ionfhabhtú is ea an bhuinneach. D'fhéadfadh sé nó sí é sin a thabhairt ar aghaidh do leanaí eile.

Níor cheart do do leanbh dul chuig an scoil go dtí nach mbeidh buinneach air nó uirthi le 48 uair an chloig.

Comhartha ar COVID-19 atá sa bhuinneach chomh maith. Ní siomptóm an-choitianta é, mar sin féin.

Má tá riocht análaithe ar do leanbh atá tar éis dul in olcas

Má théann análú do linbh in olcas, cuir glao ar do dhochtúir teaghlaigh.

An Siondróm Athlastach Ilchóras Péidiatrach (PIMS)

Theastaigh cóir leighis san ospidéal ó líon an-bheag leanaí a raibh COVID-19 orthu le haghaidh riocht a dtugtar an Siondróm Athlastach Ilchóras Péidiatrach (PIMS) air. Tugtar an Siondróm Ilchóras Athlastach (MIS-C) air chomh maith.

Neamhord é PIMS a mbaineann baol báis leis agus tarlaíonn sé nuair a thugann córas imdhíonachta an choirp freagairt neamhghnách ar ionfhabhtú. Tá sé cosúil le Galar Kawasaki nó an Siondróm Suaite Thocsainigh, agus is an-annamh a fheictear é.

I measc shiomptóim PIMS, tá:

  • teocht ard nó fiabhras (38 céim Celsius nó os a chionn)
  • gríos
  • súile dearga (toinníteas)
  • marbhántacht
  • buinneach (i gcásanna áirithe)

Cuir glao ar do dhochtúir teaghlaigh ar bhonn práinne:

  • má tá siomptóim PIMS ar do leanbh agus má bhí COVID-19 air nó uirthi ar na mallaibh

Tá sé tábhachtach PIMS a thabhairt faoi deara go luath toisc gur féidir cóir leighis a fháil ina aghaidh san ospidéal.

Tháinig PIMS ar leanaí sna seachtainí i ndiaidh dóibh toradh deimhneach a fháil ar thástáil le haghaidh COVID-19. Bhí siomptóim COVID-19 ar chuid de na leanaí sin, ní raibh ar an gcuid eile.

Athbhreithniú deireanach ar an leathanach: 18 Aibreán 2023