Seolfar do shampla tástála chuig saotharlann le scrúdú.
Gheobhaidh tú do thorthaí tástála ar théacs nó cuirfear glaoch ort ar an bhfón.
Nuair a fhaigheann tú do thorthaí
Faigheann formhór na ndaoine torthaí tástála laistigh de 3 lá ach uaireanta tógann sé níos faide.
Lean ort ag féin-aonrú nuair atá tú ag fanacht ar thorthaí na tástála. Lean an chomhairle a thugann do dhochtúir teaghlaigh duit.
Mura bhfuil na torthaí tástála faighte agat, is féidir leat éirí as an bhféin-aonrú :
- Mura raibh fiabhras ort le 5 lá anuas
- Má tá 14 lá caite ó tháinig na comharthaí tinnis ort ar dtús
Tugtar tús áite do dhaoine atá go dona tinn san ospidéal agus dá bharr sin bíonn torthaí acu laistigh de 12 go 24 uair an chloig.
Ná glaoigh ar do dhochtúir teaghlaigh chun na torthaí tástála a fháil. Tá sé tábhachtach na línte fóin a choinneáil saor do dhaoine atá ag iarraidh comhairle faoi chomharthaí tinnis.
Cén chiall atá leis an toradh a fhaigheann tú
Beidh ceann de na habairtí seo scríofa ar do thoradh tástála:
- SARS CoV 2 RNA detected (aimsithe)
- SARS CoV 2 RNA not detected ( gan aimsiú)
- Indeterminate result (toradh neamhchinntithe)
- Invalid/inhibitory result ( toradh neamhbhailí/ coisctheach)
SARS CoV 2 RNA detected (aimsithe)
Ciallaíonn an toradh seo go bhfuil coróinvíreas (COVID-19) ort.
Cuirfidh ball den fhoireann sláinte poiblí glaoch ort le do thoradh. Freagróidh sé/sí aon cheist atá agat.
Iarrfar ort ainm agus sonraí teagmhála na ndaoine a raibh dlúththeagmháil agat leo le 14 lá roimhe seo a chur ar fáil. Déantar é seo chun na daoine seo a chur ar an eolas gur gá dóibh féin-aonrú freisin.
Tugtar rianú teagmhálaithe contact tracing air seo. Cabhraíonn sé seo le srian a chur le scaipeadh an víris.
Beidh ort féin-aonrú go dtí go sásófar an dá choinníoll seo:
- Nach raibh fiabhras ort le 5 lá
- Go bhfuil 14 lá caite ó tháinig na comharthaí ort ar dtús
SARS CoV 2 RNA not detected (gan aimsiú)
Ciallaíonn sé seo nár aimsíodh an coróinvíreas (COVID-19) i do shampla.
Gheobhaidh tú do thoradh ar théacs ón tseirbhís téacsála.
Ní chiallaíonn an toradh seo nach raibh an coróinvíreas ort riamh, ach nár aimsíodh an víreas sa sampla a ndearna an saotharlann tástáil air.
D’fhéadfadh sé go raibh an víreas ort agus:
- Go raibh sé glanta ag do chóras imdhíonta faoin am a ndearnadh an tástáil ort
- Nach raibh aon víreas sa sampla a tógadh
D’fhéadfá an coróinvíreas a fháil amach anseo. Ní mór duit an chomhairle maidir leat féin agus daoine eile a chosaint a leanacht.
Má tá comharthaí fós ort nó má éiríonn siad níos measa, glaoigh ar do dhochtúir teaghlaigh.
Toradh neamhchinntithe, neamhbhailí nó coisctheach (Indeterminate, invalid or inhibitory result)
Uaireanta ní bhíonn toradh soiléir ar do shampla. Tugtar toradh neamhchinntithe (indeterminate) ar seo. Ciallaíonn toradh neamhchinntithe nach féidir leis an tsaotharlann a bheith cinnte an bhfuil an coróinvíreas ort nó nach bhfuil.
Uaireanta ní bhíonn an saotharlann in ann toradh a aimsiú i do shampla. Tugtar toradh neamhbhailí nó coisctheach air seo.
Ní bhíonn torthaí neamhchinntithe, neamhbhailí nó coisctheach coitianta.
Má fhaigheann tú toradh neamhchinntithe, neamhbhailí nó coisctheach
Má fhaigheann tú toradh neamhchinntithe, neamhbhaillí nó coisctheach caithfear leat amhail is go bhfuil an víreas ort. Déanfar seo chun tusa agus daoine eile a chosaint mar go raibh comharthaí ort. Ba chóir duit iarraidh ar do dhochtúir teaghlaigh tástáil nua don choróinvíreas a shocrú duit.
Go dtí go bhfaigheann tú do thoradh nua, ní mór duit leanacht ort ag féin-aonrú go dtí go go sásóidh tú an dá choinníoll seo:
- Go bhfuil 14 lá caite ó tháinig na comharthaí ort ar dtús
- Nach raibh fiabhras ort le 5 lá anuas
Má thagann do thoradh nua ar ais mar 'SARS CoV 2 RNA detected' beidh ort leanacht ar aghaidh ag féin-aonrú ar feadh 14 lá. Cuirfidh ball den fhoireann sláinte poiblí glaoch ort. Iarrfar ort sonraí teagmhála na ndaoine a raibh dlúththeagmháil agat leo le 14 lá anuas a chur ar fáil. Déantar é seo ionas gur féidir na daoine seo a chur ar an eolas gur gá dóibh féin-aonrú freisin.
Má thagann do thoradh nua ar ais mar 'SARS CoV 2 RNA not detected', agus nach bhfuil comharthaí tinnis ort, is féidir leat stopadh ag féin-aonrú. Lean ort ag cloí leis an gcomhairle chun tú féin agus daoine eile a chosaint.
Má tá comharthaí fós ort nó má éiríonn siad níos measa, glaoigh ar do dhochtúir teaghlaigh.
Fianaise imdhíonachta
Léiríonn roinnt staidéir go bhforbraítear antasubstaintí go gairid i ndiadh ionfhabhtaithe. Is féidir iad seo a aimsiú ar feadh tréimhse dhá mhí i ndiadh ionfhabhtaithe. De bhrí gur víreas nua é seo, níl aon fhianaise fhadthéarmach ann go mbeidh imdhíonacht agat in aghaidh an choróinvíris.
D’fhéadfá fós:
- A bheith i mbaol víreas a fháil arís
- an víreas a scaipeadh ar dhaoine eile
Ba chóir duit cloí leis an gcomhairle maidir le fanacht sa bhaile ar mhaithe leat féin agus daoine eile a chosaint.