Skip to main content

If you are aged 50 to 69 you can now register to get a COVID-19 vaccine

Coróinvíreas - Cóir Leighis

Uasdátaithe: 2 Feabhra 2021

Níl aon chóir leighis ar leith ar fáil le haghaidh an Choróinvíris. Ach beidh 80% de na daoine ábalta biseach a fháil ón choróinvíreas sa bhaile agus ní bheidh aon ghá dóibh dul isteach san ospidéal.

Beidh na vacsaíní ar fáil i gcéimeanna agus dá bharr sin tógfaidh sé roinnt ama chun an daonra a vacsaíniú .

Léigh níos mó faoin vacsaín COVID -19https://www2.hse.ie/gaeilge/coroinvireas/ag-fil-vacsan-covid-19.html

Má thagann comharthaí ort, ba chóir duit féin-aonrú chun cosc a chur ar scaipeadh COVID-19. Glaoigh ar do DT nó Seirbhís Lasmuigh de Ghnáthuaireanta láithreach chun do chomharthaí a phlé agus chun a chinntiú an bhfuil gá le Tástáil COVID-19 a dhéanamh ort.

An rud is tábhachtaí ná daoine eile a chosaint ón víreas. Tá sé rí-thábhachtach iad siúd atá i ngrúpaí atá i mbaol a chosaint ó COVID-19.

Ba chóir:

  • Féin-aonrú
  • Faigh dóthain codlata agus am scíthe
  • Ól neart uisce chun díhiodráitiú a sheachaint. Ba chóir go mbeadh d’fhual geal-buí nó geal
  • Ith go sláintiúil
  • Ná caith tobac
  • Fan te
  • Coinnigh súil ar do chomharthaí tinnis agus glac cóir leighis lena n-aghaidh

Léigh níos mó faoi chomharthaí

  • Fiabhras
  • Casacht - aon saghas, ní amháin casacht thirim.
  • Giorra anála
  • Boladh athraithe nó caillte

Má éiríonn do chomharthaí tinnis níos measa

Déan teagmháil le do Dhochtúir teaghlaigh mura dtagann feabhas ar do chomharthai tinnis

Má tá tú i ngrúpa os cionn 60 atá i mbaol, ba chóir duit súil ghéar a choimeád ar do chomharthaí tinnis. Déan teagmháil le do Dhochtúir Teaghlaigh má éiríonn na comharthaí tinnis níos measa.

Léigh faoi cathain ba chóir cabhair leighis a fhail má tá sé de dhíth

Má tá tú i ngrúpa atá i mbaol, ba chóir duit súil ghéar a choimeád ar do chomharthai tinnis. Déan teagmháil le do Dhochtúir teaghlaigh má éiríonn na comharthai tinnis níos measa.

Cógas um chóir leighis

Braitheann an cógas is fearr ar do:

  • Comharthaí tinnis
  • Deacrachtaí sláinte eile
  • Aon chóir leighis eile atá á fháil agat

D’fhéadfadh paraicéiteamól nó ibuprofen cabhrú chun do theocht a ísliú agus faoiseamh a thabhairt duit ó do phianta. Moltar paraicéiteamól mar an chéad chóir leighis don chuid is mó de na daoine.

Léigh na treoirlínte uilig sa bpacáiste sula dtógann tú aon chógas. Glac le comhairle a thugann aon ghairmí sláinte duit.

Antaibheathaigh

Ní oibríonn antaibheathaigh in aghaidh COVID-19 ná aon víris eile. Ní thabharfaidh siad faoiseamh duit ó do chomharthaí tinnis ná ní chabhróidh siad leat biseach a fháil.

Is víreas atá sa COVID-19 agus ní chabhraíonn antaibheathaigh leis.

Iobúpróifein

Tá sé ceart go leor cógais frith-athlastacha (NSAID) a thógáil má tá COVID-19 ort. Níl aon fhianaise ann go bhfuil baol ag baint leis.

Ná tóg ach cógas frith-athlastach amháin ag aon am. Tá sé ceart go leor paraicéiteamól agus cógas frith-athlastach ar nós Iobúpróifein a thógáil le chéile.

I measc na gcógas frith-athlastach tá:

  • Iobúpróifein – ainmneacha branda : Nurofen, Actiprofen, Advil, Brufen, Brupro, Buplex, Easofen, agus Fenopine. D’fhéadfadh na hainmeacha :Nurofen, Melfen, Phorpain, Ibugel agus Ibuleve a bheith ar ghlóthach Iobúpróifein
  • Naipraicséin – ainm branda: Naprosyn
  • Déchlóifeineac – ainmneacha branda: Voltarol, Diclo, Diclac, Cataflam, Difene agus Flector

Rinneadh an t-athbhreithniú deireanach ar an leathanach: 16/04/2020
Déanfar an chéad athbhreithniú eile: 16/04/2023