Skip to main content

We use small files called cookies to help us improve your experience on this website and to provide services like web chat. We also use cookies to measure the effectiveness of public health campaigns and understand how people use the website.

Read our cookies policy to find out more about cookies and how we use them.

Ag glanadh do scamhóga tar éis an choróinvíris

D’fhéadfadh sé go mbeadh réama nó smuga fós ag teacht aníos le casachta nuair a fhágann tú an ospideál. Gnáth rud é sin tar éis ionfhabhtú riospráide cosúil leis an gcoróinvíreas. Déan roinnt cleachtaí análaithe chun an réama a ghlanadh as do scamhóga. Cuirfidh sé seo feabhas ar fheidhmiú na scamhóg.

Má dhéanann tú roinnt cleachtaí análaithe le do chuid scamhóga a mhéadú cabhóidh sé leat teacht chugat féin trí :

  • méadú ar an méid aeir atá istigh i do scamhóga
  • feabhas a chur ar neart na matáin a bhíonn in úsáid agus tú ag an análú
  • cuidiú leis an réama agus an smuga a ghlanadh as do scamhóga
  • teacht roimh cliseadh in íochtar do scamhóga

Teicnící análaithe dhomhain

Is teicníc shimplí é an analú domhain le do chuid scamhóga a mhéadú agus cabhrú leat an réama a chur aníos. Is féidir leat é seo a dhéanamh go minic i rith an lae, in aon áit agus in aon stáid. Bí cinnte go bhfuil tú compordach agus go bhfuil d’ucht agus guaillí scaoilte.

  1. Suí nó luí go compordach.
  2. Cuir lámh amháin ar do bholg díreach faoi bhun do chuid easnacha agus an lámh eile ar d’ucht.
  3. Tóg anáil mór trí do shrón, agus lig do bholg do lámh a bhrú amach. Ba chóir go mbeadh an lámh ar do bholg ag bogadh níos mó ná an lámh atá ar d’ucht.
  4. Lig d’anáil amach trí liopaí teannta ar nós go bhfuil tú ag feadaíl. Tabhair faoi deara do lámh ar do bholg ag dul isteach agus bain úsáid as chun an t-aer go léir a bhrú amach.
  5. Déan análú mar seo seo 3-5 bhabhta.Tóg do chuid ama le gach anáil.

Teicníc análaithe cruachta

Seo teicníc gur féidir a úsáid chun:

  • cabhrú le do scamhóga a mhéadú
  • na matáin a choinneáil solúbtha
  • cabhrú leat casachta níos láidire le do réama a ghlanadh

Fan uair an chloig tar éis duit a bheith ag ithe nó ag ól sula ndéanann tú na cleachtaí seo. Stop má thagann aon pian i d’ucht le linn an cleachtadh.

  1. Lig amach d’anáil go hiomlán.
  2. Tóg anáil bheag trí do bhéal, do shrón nó iad araon agus coinnigh é.
  3. Tóg anáil bheag eile , os cionn an aeir atá i do scamhóga cheana féin.
  4. Lean ort ag tógáil análacha bheaga go dtí go mbraitheann tú nach féidir leat níos mó a thógáil agus coinnigh an t-aer istigh ar feadh 2 go 5 soicind.
  5. Lig an t-aer amach as do bhéal. Aireóidh sé ar nós anáil mhór amach le fórsa.

Cuir glaoch ar do dhochtúir agus stop na cleachtaí seo má tá do phatrún análaithe ag athrú nó ag éirí neamhghnách nuair nach bhfuil tú ag déanamh na cleachtaí.

Ag glanadh réamaí as do chuid scamhóga (stiúir draenála)

Tá 5 liopa i do scamhóga agus is féidir le réama a bheith in aon cheann acu.

Baintear úsáid as domhantarraingt (gravity) sna cleachtaí stiúrach seo thíos chun cabhrú leat réamaí atá curtha le chéile i do chuid liopaí a ghlanadh.

Braitheann an toradh ar chomh tiubh nó chomh greamaitheach atá do réama. D’fhéadfadh sé a bheith níos deacra réama tiubh a ghlanadh. Ní oibreóidh na cleachtaí seo má tá do réama an-tiubh agus greamaitheach.

Fan ar a laghad uair an chloig tar éis béile mór sula dtosaíonn tú ar na cleachtaí seo. Stop má tá dó croí ort nó má bhraitheann tú tinn agus tú ag cleachtadh.

Cleachtadh stiúrach a 1

positioning exercise 1
  • Luí ar do dhroim le do ceann siar agus do ghlúine crochta.
  • Cuir piliúir faoi do chromáin agus do ghlúine le go mbeidh do chromáin níos airde ná d’ucht.
  • Fan mar seo ar feadh ar a laghad 5 nóiméad más féidir leat agus tú ag triail analú go domhain.
  • D’fhéadfadh sé seo cabhrú chun réama a ghlanadh ó íochtar do chuid scamhóga.

Cleachtadh stiúrach a 2

positioning exercise 2
  • Luí ar do thaobh clé le piliúir faoi do chromáin le go mbeidh d’ucht ag leibhéal níos ísle ná do chromáin.
  • Is féidir leat do lámha a chur faoi do cheann má tá sé níos compordaí.
  • Fan mar seo ar feadh 5 go 10 nóiméad más féidir leat agus triail analú go domhain.
  • Déan é seo ar do thaobh dheas freisin agus arís ar chlé.

Ábhair ghaolmhara

Giorra analú tar éis an choróinvíris

Ag teacht chugat féin tar éis an choróinvíris.

Deacrachtaí slogadh agus fadhbanna gutha tar éis an choróinvíris

Rinneadh an t-athbhreithniú deireanach ar an leathanach: 16/09/2020
Déanfar an chéad athbhreithniú eile: 16/09/2023